កិច្ចសម្ភាសជាមួយអ្នកបង្កើត
-អ្នករចនាក្រាហ្វិក-
ការចម្រាញ់គំនិត
ទុកអ្វីដែលសំខាន់
ចាប់ពីការសហការរវាង Tiffany និង Nike រហូតដល់តួនាទីជាអ្នកដឹកនាំផ្នែកច្នៃប្រឌិតសម្រាប់ Shiseido និងទស្សនាវដ្តី ELLE
Ruba Abu-Nimah អាចធ្វើការយ៉ាងមានភាពស្រួលនៅក្នុងវិស័យផ្សេងៗគ្នា
ការស្វែងរកទំនាក់ទំនងរវាងគំនិតផ្សេងៗ និងរៀបចំពួកវាឱ្យក្លាយជាគំនិតថ្មីៗ។
ស្នាដៃរបស់នាងបន្តផ្តល់នូវទស្សនៈ និងអត្ថន័យថ្មីៗទៅលើអ្វីដែលមានពីអតីតកាល។
អ្វីដែលកំណត់ទស្សនវិជ្ជារចនារបស់នាង?
ស្នាដៃសិល្បៈដែលរៀបចំទម្រង់ដូចទំព័រទស្សនាវដ្តី ដោយបញ្ចូលការរចនាពណ៌ និងសេចក្ដីលម្អិតដ៏ពិសេសរបស់ GA-110 ជាមួយរូបភាពទេសភាព និងទិដ្ឋភាពជីវិតប្រចាំថ្ងៃ ដែលឆ្លុះបញ្ចាំងពីលក្ខណៈដូចគ្នា។ ការបញ្ចូលគ្នារវាងធាតុផ្សេងៗទាំងនេះ បង្កើតបានជារឿងរ៉ាវថ្មីៗ ដូចជាអគារ Chrysler Building ជាមួយមេឃពណ៌ខៀវលើភ្នំព្រិល និងទិដ្ឋភាពជីវិតតាមផ្លូវ។ រូបភាពទាំងនេះមិនត្រឹមតែបង្ហាញពីជីវិតប្រចាំថ្ងៃ និងបទពិសោធធ្វើដំណើររបស់ Abu-Nimah ប៉ុណ្ណោះទេ ប៉ុន្តែថែមទាំងជំរុញឱ្យអ្នកមើលនឹកឃើញដល់ការចងចាំ និងបទពិសោធផ្ទាល់ខ្លួនរបស់ពួកគេផងដែរ។ ស្នាដៃនេះបង្ហាញយ៉ាងច្បាស់ពីសាវតារនៃជំនាញរចនាទស្សនាវដ្តីរបស់ Abu-Nimah។ ស្នាដៃចំនួនប្រាំបួនត្រូវបានរៀបចំលើទំព័រផ្សេងៗគ្នា ហើយស្នាដៃនីមួយៗមានរឿងរ៉ាវ និងអត្ថន័យផ្ទាល់ខ្លួន។
កិច្ចសម្ភាស
សារ
សំខាន់
ទីក្រុងញូវយ៉កគឺជាកន្លែងដែលវប្បធម៌ សិល្បៈ និងអាជីវកម្មដែលមានឥទ្ធិពលបំផុតមួយចំនួនលើពិភពលោក ត្រូវបានបង្កើតឡើង។ ទីក្រុងនេះមានទំហំតូចជាងអ្វីដែលយើងគិត ដោយមានបណ្ដោយប្រហែល 20 គីឡូម៉ែត្រ និងទទឹងប្រហែល 4 គីឡូម៉ែត្រ នៅចំណុចដែលធំបំផុត ដែលធ្វើឱ្យការរស់នៅ និងធ្វើការនៅទីនេះ កាន់តែមានការប្រកួតប្រជែងខ្លាំងឡើង។ អ្នករចនាក្រាហ្វិក Ruba Abu-Nimah បានរស់នៅ និងធ្វើការនៅទីក្រុងញូវយ៉កអស់រយៈពេលជាងពីរទសវត្សរ៍មកហើយ បន្ទាប់ពីបានផ្លាស់ទីលំនៅពីអឺរ៉ុប ដោយក្នុងអំឡុងពេលនោះ គាត់បានដឹកនាំកំណត់ទិសដៅច្នៃប្រឌិតសម្រាប់ម៉ាកល្បីៗជាច្រើនដែលត្រូវបានទទួលស្គាល់ទូទាំងពិភពលោក។ គម្រោងដ៏សំខាន់បំផុតមួយ ដែលបានកំណត់អាជីពរបស់នាងក្នុងប៉ុន្មានឆ្នាំចុងក្រោយនេះ គឺការមានតួនាទីជានាយកផ្នែកច្នៃប្រឌិតរបស់ Tiffany ដែលជាក្រុមហ៊ុនគ្រឿងអលង្ការដ៏ល្បីល្បាញ និងមានប្រវត្តិយូរអង្វែង បង្កើតឡើងនៅទីក្រុងញូវយ៉កក្នុងឆ្នាំ 1837។ ដោយបញ្ចូលធាតុនៃវប្បធម៌តាមដងផ្លូវរបស់ទីក្រុងញូវយ៉ក ដូចជា ការជិះស្គី កីឡាកង់ BMX និងសិល្បៈគំនូរលើជញ្ជាំងទៅក្នុងអត្តសញ្ញាណរូបភាពរបស់ម៉ាក ហើយបន្តចក្ខុវិស័យនោះតាមរយៈការសហការជាមួយ Nike នាងបានផ្លាស់ប្តូររឿងរ៉ាវ និងរូបភាពរបស់ម៉ាកទាំងមូល។ ដោយធ្វើការពីទីក្រុងញូវយ៉ក Abu-Nimah បន្តអភិវឌ្ឍភាសានៃការរចនាដែលផ្តោតលើសារ និងអត្ថន័យ។ នៅទីនេះ យើងបាននិយាយជាមួយ Abu-Nimah អំពីវិធីសាស្ត្ររបស់គាត់។
―― សូមប្រាប់យើងអំពីអ្វីដែលអ្នកធ្វើ។
ខ្ញុំជាអ្នករចនាក្រាហ្វិក ដែលមានមូលដ្ឋានការងារនៅទីក្រុងញូវយ៉ក ហើយធ្វើការលើគម្រោងក្នុងវិស័យម៉ូតសម្លៀកបំពាក់ សម្រស់ និងវប្បធម៌។ ខ្ញុំក៏រចនាសៀវភៅផងដែរ ហើយធ្លាប់ធ្វើការយ៉ាងជិតស្និទ្ធជាមួយ Gerhard Steidl នៅប្រទេសអាល្លឺម៉ង់ ដែលត្រូវបានគេស្គាល់ថាជាអ្នកផលិតសៀវភៅដែលមានគុណភាព និងការរចនាស្រស់ស្អាតបំផុតមួយចំនួននៅលើពិភពលោក។ ខ្ញុំបានធ្វើការក្នុងវិស័យរចនាអស់រយៈពេលជាយូរមកហើយ ហើយវិស័យនេះតែងតែជាចំណុចស្នូលនៃការងាររបស់ខ្ញុំ។ ខ្ញុំបានចាប់ផ្តើមអាជីពក្នុងវិស័យបោះពុម្ព ហើយបានឃើញការផ្លាស់ប្តូរពីប្រព័ន្ធបោះពុម្ពទៅជាប្រព័ន្ធឌីជីថលជាបន្តបន្ទាប់បន្តិចម្ដងៗ។ ក្នុងវិស័យបោះពុម្ពផ្សាយ ខ្ញុំបានធ្វើការជានាយកផ្នែកច្នៃប្រឌិត នៅទស្សនាវដ្តី ELLE ហើយខ្ញុំក៏បានចំណាយពេលជាច្រើនឆ្នាំរស់នៅ និងធ្វើការនៅប្រទេសជប៉ុនជាមួយក្រុមហ៊ុន Shiseido ផងដែរ។ ក្រោយមក ខ្ញុំក៏បានទទួលតួនាទីជានាយកផ្នែកច្នៃប្រឌិតនៅ Tiffany ផងដែរ។ ការងាររបស់ខ្ញុំគ្របដណ្តប់លើវិស័យជាច្រើន ប៉ុន្តែនៅក្នុងចំណុចស្នូលបំផុត អ្វីដែលខ្ញុំស្រឡាញ់ពិតប្រាកដ និងធ្វើបានល្អបំផុត គឺការរចនា។
――តើអ្វីនៅក្នុងវិស័យរចនា ដែលធ្វើឱ្យអ្នកមានភាពទាក់ទាញ និងចូលចិត្តខ្លាំង?
ខ្ញុំចាប់អារម្មណ៍គ្រប់ផ្នែកទាំងអស់នៃការរចនា។ សូម្បីតែរបៀបដែលខ្ញុំនិយាយជាមួយមនុស្ស ឬអ្វីដែលខ្ញុំចែករំលែកនៅលើបណ្តាញសង្គម ក៏បង្ហាញពីទស្សនៈ និងការគិតបែបការរចនារបស់ខ្ញុំផងដែរ។ ខ្ញុំមានចំណាប់អារម្មណ៍លើវិស័យជាច្រើន ដូចជា ការរចនាផលិតផល ស្ថាបត្យកម្ម ការបោះពុម្ព និងផ្នែកផ្សេងៗទៀត។ អ្វីដែលទាក់ទាញខ្ញុំជាពិសេស គឺផ្នែកនៃជំនាញការងារដោយដៃ និងដំណើរការបង្កើតវា។ ទស្សនៈមានសារៈសំខាន់ មិនមែនត្រឹមតែក្នុងការរចនាប៉ុណ្ណោះទេ ប៉ុន្តែក៏សំខាន់ក្នុងក្នុងជីវិតរស់នៅផងដែរ។ នៅក្នុងផ្ទះរបស់ខ្ញុំ អ្វីៗទាំងអស់ត្រូវបានជ្រើសរើសយ៉ាងប្រុងប្រយ័ត្ន។ ខ្ញុំតែងតែស្វែងរកអ្វីៗដែលមានទាំងភាពស្រស់ស្អាត និងមានប្រយោជន៍ក្នុងការប្រើប្រាស់។ ខ្ញុំក៏ចូលចិត្តប្រមូលរូបភាព និងឯកសារដែលជួយជំរុញគំនិតច្នៃប្រឌិតផងដែរ។ មានហេតុផលមួយដែលគេនិយាយថា ការឃើញផ្ទាល់ភ្នែកនឹងធ្វើឱ្យមានការជឿជាក់។ ពាក្យសម្ដីជារឿងសំខាន់ ប៉ុន្តែការថតរូប សិល្បៈ និងគំនូរ កើតចេញពីសភាវគតិមួយប្រភេទផ្សេងទៀត ហើយអាចជំរុញការច្នៃប្រឌិត ពីព្រោះវាអាចបង្ហាញគំនិតដែលលើសពីអ្វីដែលភាសាអាចពណ៌នាបាន។ ការប្រមូល ការសិក្សា និងការទទួលបទពិសោធពីរូបភាពទាំងនោះ គឺជាផ្នែកសំខាន់ចំពោះរបៀបដែលខ្ញុំធ្វើការរចនា។
កន្លែងមួយនៅ WSA ក្នុងទីក្រុងញូវយ៉ក ដែល Abu-Nimah ទើបតែផ្លាស់ប្ដូរការិយាល័យរបស់នាងទៅទីនោះ។ អគារនេះប្រមូលផ្តុំអ្នកបង្កើតស្នាដៃពីវិស័យផ្សេងៗ ដូចជា ការរចនា ម៉ូតសម្លៀកបំពាក់ អាហារ និងសុខុមាលភាព ដោយបន្ទប់នីមួយៗត្រូវបានគេប្រើប្រាស់ជាការិយាល័យ ឬស្ទូឌីយោផ្ទាល់ខ្លួន។ សូម្បីតែការសន្ទនាខ្លីៗនៅតាមផ្លូវដើរក្នុងអគារ ក៏អាចជំរុញឱ្យកើតមានគំនិតថ្មីៗបាន ហើយធ្វើឱ្យវាក្លាយជាបរិយាកាសការងារច្នៃប្រឌិតដ៏មានថាមពលបំផុតមួយក្នុងពិភពលោក។
――តើទស្សនវិជ្ជារបស់អ្នកក្នុងការរចនាគឺជាអ្វី?
សាមញ្ញ តែមានឥទ្ធិពល។ ខ្ញុំចូលចិត្តពេលដែលអ្វីមួយត្រូវបានសម្រួលឱ្យនៅសល់តែចំណុចសំខាន់ និងអត្ថន័យពិតប្រាកដរបស់វា។ វិធីសាស្ត្រអាចមានភាពសាមញ្ញ ប៉ុន្តែសារដែលត្រូវបង្ហាញគួរតែមានភាពស្មុគស្មាញ។ នេះគឺជាតុល្យភាពដែលខ្ញុំតែងតែព្យាយាមស្វែងរក។ វាមិនមែនជារឿងងាយស្រួលទេ ប៉ុន្តែវាជាអ្វីដែលធ្វើឱ្យមានភាពគួរឱ្យចាប់អារម្មណ៍។ Saint-Exupéry ធ្លាប់បាននិយាយថា “ភាពល្អឥតខ្ចោះកើតឡើង មិនមែននៅពេលដែលគ្មានអ្វីត្រូវបន្ថែមទៀតនោះទេ ប៉ុន្តែនៅពេលដែលគ្មានអ្វីត្រូវដកចេញទៀត។” គំនិតនោះពិតជាត្រូវនឹងទស្សនៈរបស់ខ្ញុំខ្លាំងណាស់។
―― ស្នាដៃរបស់អ្នកតែងតែបញ្ចូលគ្នានូវធាតុផ្សំដែលមិនធម្មតា ដើម្បីបង្កើតអ្វីមួយដែលមានឥទ្ធិពល និងមានអត្ថន័យ។ តើអ្នកមានវិធីសាស្ត្រយ៉ាងដូចម្តេចក្នុងការរក្សាតុល្យភាពនោះ?
ការងាររបស់ខ្ញុំមិនត្រឹមតែជាការរចនាក្រាហ្វិកសម្រាប់ជាឧបករណ៍បញ្ជូនព័ត៌មានប៉ុណ្ណោះទេ។ អ្វីដែលសំខាន់គឺជាការបញ្ជូនសារមួយ។ ខ្ញុំប្រើប្រភេទប្រព័ន្ធផ្សព្វផ្សាយផ្សេងៗគ្នា ហើយប្រមូលផ្ដុំវាតាមវិធីដែលមានអត្ថន័យ ហើយពេលខ្លះក៏បង្កើតជាចំណុចប្លែកខុសពីធម្មតាបន្តិចផងដែរ។ បញ្ហាប្រឈមគឺការស្វែងរកតុល្យភាពដ៏ត្រឹមត្រូវរវាងធាតុផ្សំទាំងអស់ដែលពាក់ព័ន្ធ។ ក្នុងពេលជាមួយគ្នានេះ ខ្ញុំតែងតែគិតអំពីរបៀបធ្វើឱ្យមនុស្សចង់ទិញផលិតផលមួយតាមវិធីថ្មីមួយ។
―― តើអ្នកចំណាយពេលវេលារបស់អ្នកយ៉ាងដូចម្តេច នៅពេលកំពុងបង្កើតគំនិតថ្មីៗ?
ខ្ញុំរស់នៅទីក្រុងញូវយ៉ក ហើយនៅទីនេះតែងតែមានអ្វីៗដែលអាចបំផុសគំនិតបានជានិច្ច។ ទីក្រុងនេះបានក្លាយជាមជ្ឈមណ្ឌលវប្បធម៌ដ៏សំខាន់មួយរបស់ពិភពលោកចាប់តាំងពីទសវត្សរ៍ឆ្នាំ 1950 ហើយមនុស្សម្នាភាគច្រើនដែលមកទីនេះគឺមានគោលដៅរៀងៗខ្លួន។ សូម្បីតែពេលដើរលេងក្នុងទីក្រុងធម្មតា ក៏មានអារម្មណ៍ថាគំនិតថ្មីៗ តែងតែចូលមករកអ្នកដោយខ្លួនឯង។ ក្នុងពេលជាមួយគ្នានេះ វាក៏អាចជាកន្លែងដ៏លំបាកមួយដែលល្បងសមត្ថភាពរបស់អ្នកពិតប្រាកដ។ ប៉ុន្តែប្រសិនបើអ្នកមិនបោះបង់ ហើយអាចស្វែងរកវិធីរស់នៅទីនេះបាន ទីក្រុងនេះនឹងផ្តល់អ្វីមួយដ៏មានតម្លៃត្រឡប់មកអ្នកវិញ។ ថ្មីៗនេះ ខ្ញុំបានប្ដូរការិយាល័យរបស់ខ្ញុំទៅ WSA ហើយទីនោះបានក្លាយជាបរិយាកាសពិសេសមួយសម្រាប់ខ្ញុំ។ វាជាទីកន្លែងដែលបម្រូលផ្ដុំមនុស្សមកពីវិស័យម៉ូតសម្លៀកបំបាក់ សិល្បៈ អាហារ និងវិស័យច្នៃប្រឌិតផ្សេងៗ ដែលសុទ្ធតែជាផ្នែកនៃសហគមន៍វប្បធម៌ទីក្រុងញូវយ៉កសព្វថ្ងៃ។ ការដែលមានមនុស្សមានគំនិត និងទស្សនៈស្រដៀងគ្នានៅជុំវិញខ្លួន ធ្វើឱ្យមានភាពខុសគ្នាយ៉ាងខ្លាំង។ មិនថាជាមនុស្សដែលខ្ញុំស្គាល់អស់រយៈពេលជាច្រើនឆ្នាំ ឬជាមនុស្សដែលខ្ញុំទើបតែបានជួបក៏ដោយ វាជារឿងដែលបំផុសគំនិតខ្លាំងក្នុងការដើរកាត់មនុស្សនៅតាមផ្លូវដើរ ដែលពួកគេទាំងអស់កំពុងធ្វើអ្វីមួយដែលច្នៃប្រឌិត។
01.
ផ្នែកមួយនៃការិយាល័យរបស់ Abu-Nimah នៅ WSA។ ការរចនាផ្នែកវិចារណកថា និងការរចនាសៀវភៅ គឺជាមូលដ្ឋានគ្រឹះនៃអាជីពរបស់នាង ហើយសៀវភៅ និងទស្សនាវដ្តី គឺជាផ្នែកមួយដែលមានជាប់ជាប្រចាំក្នុងជីវិតប្រចាំថ្ងៃរបស់នាង។ នៅលើធ្នើខាងលើ មានស្នាដៃមួយដែលបង្ហាញសាររបស់វិចិត្រករសហសម័យជនជាតិចិន Ai Weiwei។
02.
ផ្ទះរបស់ Abu-Nimah។ រូបបោះពុម្ពរបស់ Kate Moss ដែលថតដោយមិត្តភក្តិ និងដៃគូសហការយូរឆ្នាំរបស់នាង គឺជាងថតរូប Mario Sorrenti ត្រូវបានដាក់តាំងនៅជិតស្នាដៃរបស់ Andy Warhol និងប្រអប់ពណ៌ទឹកក្រូចរបស់ Hermès ដោយមានស្បែកជើងប៉ាតាជាច្រើនគូរៀបជាជួរនៅផ្នែកខាងក្រោមនៃធ្នើ។ សមត្ថភាពក្នុងការរក្សាតុល្យភាពនោះ គឺជាអ្វីដែលធ្វើឱ្យនាងនៅតែជាអ្នកឈានមុខគេក្នុងវិស័យរបស់នាង។
03.
នាឡិកា G-SHOCK ដែល Abu-Nimah កំពុងពាក់ គឺជាស្នាដៃសហការរវាង G-SHOCK និង Hardies Hardware ដែលដឹកនាំដោយអ្នកជិះស្គីអាជីព និងមិត្តភក្តិយូរឆ្នាំរបស់នាង Tyshawn Jones ដែលបង្ហាញខ្លួននៅក្នុងក្បាលនេះរបស់ទស្សនាវដ្តី THISTIME ផងដែរ។ នៅខាងក្រោយនាង គឺជាស្នាដៃសិល្បៈរបស់ Sho Shibuya ដែលជាវិចិត្រករជនជាតិជប៉ុនរស់នៅ និងធ្វើការនៅទីក្រុងញូវយ៉ក។ នាងរស់នៅក្នុងបរិយាកាសដែលពោរពេញដោយស្នាដៃរបស់មិត្តភក្តិ ហើយពួកគេតែងតែមានឥទ្ធិពលលើជីវិត និងការងាររបស់នាង។
នាឡិកា G-SHOCK ដែល Abu-Nimah កំពុងពាក់ គឺជាស្នាដៃសហការរវាង G-SHOCK និង Hardies Hardware ដែលដឹកនាំដោយអ្នកជិះស្គីអាជីព និងមិត្តភក្តិយូរឆ្នាំរបស់នាង Tyshawn Jones ដែលបង្ហាញខ្លួននៅក្នុងក្បាលនេះរបស់ទស្សនាវដ្តី THISTIME ផងដែរ។ នៅខាងក្រោយនាង គឺជាស្នាដៃសិល្បៈរបស់ Sho Shibuya ដែលជាវិចិត្រករជនជាតិជប៉ុនរស់នៅ និងធ្វើការនៅទីក្រុងញូវយ៉ក។ នាងរស់នៅក្នុងបរិយាកាសដែលពោរពេញដោយស្នាដៃរបស់មិត្តភក្តិ ហើយពួកគេតែងតែមានឥទ្ធិពលលើជីវិត និងការងាររបស់នាង។
――តើអ្នកគិតថាធាតុអ្វីដែលធ្វើឱ្យស្នាដៃមួយមិនចេះហួសសម័យ?
វាជាអ្វីមួយដែលនៅតែមានអត្ថន័យ និងអាចភ្ជាប់ជាមួយមនុស្សបាន។ មិនចាំបាច់ត្រូវតែផ្អែកលើអ្វីដែលកំពុងពេញនិយមនោះទេ។ អ្វីដែលកំពុងពេញនិយមអាចជួយជំរុញអ្វីៗឱ្យឈានទៅមុខ ប៉ុន្តែអ្វីដែលមានភាពអមតៈ នៅតែរក្សាអត្ថន័យបាន ទោះបីជាច្រើនឆ្នាំកន្លងផុតទៅក៏ដោយ។ ជាការល្អបំផុត វាគួរតែមើលទៅស្រស់ស្អាតផងដែរ ប៉ុន្តែអ្វីដែលសំខាន់នោះគឺអត្ថន័យដែលបង្កប់ខាងក្រោមនោះ។ ទោះបីជាកំពុងធ្វើការឱ្យអតិថិជនក៏ដោយ ខ្ញុំតែងតែផ្តោតលើការស្វែងរកវិធីបង្ហាញអត្តសញ្ញាណ ទស្សនវិជ្ជារបស់ម៉ាកនោះឱ្យច្បាស់ដែលនៅពីក្រោយវា។ សម្រាប់ខ្ញុំ បញ្ហាប្រឈមគឺការស្វែងរកវិធីបង្ហាញអ្វីមួយដែលមានតម្លៃ និងមានអត្ថន័យ។
―― អ្នកធ្លាប់រស់នៅប្រទេសជប៉ុនអស់រយៈពេលប្រហែលពីរឆ្នាំ។ តើអ្វីខ្លះដែលអ្នកបានរៀនពីវប្បធម៌ជប៉ុន និងរបៀបគិតផ្នែកសោភ័ណភាពរបស់ពួកគេ?
ប្រទេសជប៉ុនបានបង្រៀននូទស្សនៈមើលពិភពលោកមួយដែលខុសគ្នា ដែលផ្តោតលើផ្លូវចិត្ត ទស្សនវិជ្ជា និងឬសគល់នៃសិល្បៈសិប្បកម្ម។ ខ្ញុំបានរៀនពីសារៈសំខាន់នៃការបង្កើតអ្វីមួយដោយមានគោលបំណង ជៀសវាងការខ្ជះខ្ជាយ និងគិតពីភាពយូរអង្វែង។ នៅប្រទេសជប៉ុន មានស្នាដៃ និងវត្ថុជាច្រើនដែលផលិតឡើងដោយគិតពីភាពយូរអង្វែង អាចស្ថិតស្ថេរបានរាប់រយ ឬរាប់ពាន់ឆ្នាំ។ អត្ថន័យដ៏ជ្រាលជ្រៅបង្កប់នោះ គឺជាអ្វីដែលធ្វើឱ្យវានៅតែមានតម្លៃជានិច្ច។ នៅពេលដែលខ្ញុំធ្វើការនៅ Shiseido យើងបានចំណាយពេលច្រើនក្នុងការសួរខ្លួនឯងថា តើផលិតផលមួយពិតជាចាំបាច់ត្រូវមាននៅលើទីផ្សារឬអត់។ ការផ្តោតសំខាន់លើអត្ថន័យបែបនេះបានស្ថិតក្នុងចិត្តរបស់ខ្ញុំរហូតមក។ សូម្បីតែការយល់ឃើញអំពីអ្វីដែលជាភាពស្រស់ស្អាត ក៏ខុសគ្នាដែរ។ វាមិនមែនគ្រាន់តែជារឿងរូបរាងខាងក្រៅប៉ុណ្ណោះទេ ប៉ុន្តែជាអត្ថន័យ និងភាពជ្រាលជ្រៅបង្កប់ក្នុងនោះ ហើយគំនិតនេះនៅតែណែនាំការងាររបស់ខ្ញុំរហូតមកដល់ថ្ងៃនេះ។
―― គណនី Instagram របស់អ្នកតែងតែបង្ហាញពីនាឡិកាជាញឹកញាប់។ តើមានអត្តន័យយ៉ាងណាចំពោះអ្នក?
នាឡិកាមានភាពទាក់ទងយ៉ាងខ្លាំងជាមួយនឹងសិល្បៈហត្ថកម្ម។ ក្នុងរយៈពេលប៉ុន្មានទសវត្សរ៍កន្លងមកនេះ វាបានក្លាយជានិមិត្តសញ្ញានៃកិត្តិយសសង្គមដ៏សំខាន់មួយ។ អ្វីដែលពីមុនវាគ្រាន់តែជាវត្ថុប្រើប្រាស់ប៉ុណ្ណោះ ឥឡូវនេះក៏ត្រូវបានមើលឃើញថាជាគ្រឿងអលង្ការ និងសូម្បីតែជានិមិត្តសញ្ញានៃភាពឆ្លាតវៃ និងរសនិយមផងដែរ។ ខ្ញុំមានការចាប់អារម្មណ៍ជាពិសេសលើការរចនាបែបឧស្សាហកម្ម ហើយខ្ញុំមើលឃើញនាឡិកាស្ថិតក្នុងប្រភេទដូចគ្នាជាមួយរថយន្ត ឬម៉ាស៊ីនឆុងកាហ្វេដែរ។ តាមរយៈស្នាដៃរបស់លោក Dieter Rams យើងឃើញថា ការរចនាដ៏ល្អឥតខ្ចោះ គឺស្ថិតស្ថេរគង់វង្សទៅតាមពេលវេលា សម្រាប់ខ្ញុំ នាឡិកាគឺជាវត្ថុដែលរំលឹកខ្ញុំជានិច្ចថា អ្វីជាគុណតម្លៃពិតប្រាកដក្នុងការរចនា។ ការផលិតនាឡិកាមួយត្រូវឆ្លងកាត់ដំណើរការ និងផ្នែកសមាសធាតុជាច្រើន ដែលមានភាពស្មុគស្មាញដូចគ្នានឹងការផលិតរថយន្ត ឬសម្លៀកបំពាក់កូត្យួរដែរ។ វាមិនមែនជារបស់ដែលប្រើហើយបោះចោលនោះទេ។ ប្រសិនបើថែរក្សាវាឱ្យបានត្រឹមត្រូវ វាជារបស់ដែលអ្នកអាចរក្សាទុកបានពេញមួយជីវិត។
――តើភាពធន់រឹងមាំ មានន័យយ៉ាងណាចំពោះអ្នក?
ការរស់នៅទីក្រុងញូវយ៉ក។ អ្នកត្រូវតែអត់ធ្មត់។ អ្នកពិតជាត្រូវតែរឹងមាំ។ អ្នកមិនអាចឱ្យខ្លួនឯងដួលរលំ ឬបាត់បង់ភាពរឹងមាំបានទេ។
01
ផ្នែកមួយនៃការិយាល័យរបស់ Abu-Nimah នៅ WSA។ ការរចនាផ្នែកវិចារណកថា និងការរចនាសៀវភៅ គឺជាមូលដ្ឋានគ្រឹះនៃអាជីពរបស់នាង ហើយសៀវភៅ និងទស្សនាវដ្តី គឺជាផ្នែកមួយដែលមានជាប់ជាប្រចាំក្នុងជីវិតប្រចាំថ្ងៃរបស់នាង។ នៅលើធ្នើខាងលើ មានស្នាដៃមួយដែលបង្ហាញសាររបស់វិចិត្រករសហសម័យជនជាតិចិន Ai Weiwei។
02
ផ្ទះរបស់ Abu-Nimah។ រូបបោះពុម្ពរបស់ Kate Moss ដែលថតដោយមិត្តភក្តិ និងដៃគូសហការយូរឆ្នាំរបស់នាង គឺជាងថតរូប Mario Sorrenti ត្រូវបានដាក់តាំងនៅជិតស្នាដៃរបស់ Andy Warhol និងប្រអប់ពណ៌ទឹកក្រូចរបស់ Hermès ដោយមានស្បែកជើងប៉ាតាជាច្រើនគូរៀបជាជួរនៅផ្នែកខាងក្រោមនៃធ្នើ។ សមត្ថភាពក្នុងការរក្សាតុល្យភាពនោះ គឺជាអ្វីដែលធ្វើឱ្យនាងនៅតែជាអ្នកឈានមុខគេក្នុងវិស័យរបស់នាង។
03
នាឡិកា G-SHOCK ដែល Abu-Nimah កំពុងពាក់ គឺជាស្នាដៃសហការរវាង G-SHOCK និង Hardies Hardware ដែលដឹកនាំដោយអ្នកជិះស្គីអាជីព និងមិត្តភក្តិយូរឆ្នាំរបស់នាង Tyshawn Jones ដែលបង្ហាញខ្លួននៅក្នុងក្បាលនេះរបស់ទស្សនាវដ្តី THISTIME ផងដែរ។ នៅខាងក្រោយនាង គឺជាស្នាដៃសិល្បៈរបស់ Sho Shibuya ដែលជាវិចិត្រករជនជាតិជប៉ុនរស់នៅ និងធ្វើការនៅទីក្រុងញូវយ៉ក។ នាងរស់នៅក្នុងបរិយាកាសដែលពោរពេញដោយស្នាដៃរបស់មិត្តភក្តិ ហើយពួកគេតែងតែមានឥទ្ធិពលលើជីវិត និងការងាររបស់នាង។
នាឡិកា G-SHOCK ដែល Abu-Nimah កំពុងពាក់ គឺជាស្នាដៃសហការរវាង G-SHOCK និង Hardies Hardware ដែលដឹកនាំដោយអ្នកជិះស្គីអាជីព និងមិត្តភក្តិយូរឆ្នាំរបស់នាង Tyshawn Jones ដែលបង្ហាញខ្លួននៅក្នុងក្បាលនេះរបស់ទស្សនាវដ្តី THISTIME ផងដែរ។ នៅខាងក្រោយនាង គឺជាស្នាដៃសិល្បៈរបស់ Sho Shibuya ដែលជាវិចិត្រករជនជាតិជប៉ុនរស់នៅ និងធ្វើការនៅទីក្រុងញូវយ៉ក។ នាងរស់នៅក្នុងបរិយាកាសដែលពោរពេញដោយស្នាដៃរបស់មិត្តភក្តិ ហើយពួកគេតែងតែមានឥទ្ធិពលលើជីវិត និងការងាររបស់នាង។
ពីរថយន្ត Mercedes-Benz 380SL ពណ៌ខៀវរបស់នាង ទៅកាន់អាវធំពណ៌ខៀវ និងរូបតុក្កតា Lucy ពី Peanuts ដែលនាងយកមកធ្វើជារូបតំណាង Instagram ផងដែរ ការប្តេជ្ញាចិត្តរបស់ Abu-Nimah ចំពោះអ្វីដែលនាងស្រឡាញ់ តែងតែឆ្លុះបញ្ចាំងពីទស្សនវិជ្ជានៃការរចនារបស់នាង ដែលផ្តោតលើការកាត់បន្ថយអ្វីៗដែលមិនចាំបាច់ដោយទុកតែរបស់ដ៏សំខាន់បំផុតរបស់វា។
ប្រវត្តិរូប។
Ruba Abu-Nimah
Ruba Abu-Nimah កើតនៅទីក្រុង Amman ប្រទេស Jordan ហើយបានចាប់ផ្តើមអាជីពរបស់នាងជាអ្នករចនាបោះពុម្ព។ ចាប់តាំងពីពេលនោះមក នាងមានតួនាទីជានាយកច្នៃប្រឌិតសម្រាប់ Revlon, Shiseido, ទស្សនាវដ្តី ELLE និង Tiffany។ ដោយមានការយល់ដឹងយ៉ាងស៊ីជម្រៅអំពីម៉ូតសម្លៀកបំពាក់ សម្រស់ និងវប្បធម៌ ស្នាដៃរបស់នាងត្រូវបានកំណត់ដោយការរួមបញ្ចូលគ្នាដ៏មិននឹកស្មានដល់ ដែលនាងបង្កើតឡើង ដើម្បីបង្កើតអ្វីដែលថ្មី និងមានថាមពល។
Instagram. @ruba
ការថតរូប។ Bladimir Corniel
Koki Sato។ Shimpei Nakagawa
កែ & អត្ថបទ។ Yutaro Okamoto_THOUSAND
ទីក្រុងតូក្យូ
ទីក្រុង Los Angeles
ទីក្រុងប៉ារីស
ទីក្រុងញូវយ៉ក
ទស្សនាវដ្ដី THISTIME
កិច្ចសម្ភាសន៍ជាមួយអ្នកបង្កើត