ពាក់៖ DW-5600C-1
ការគាំទ្រលើកស្ទួយជំនាន់ថ្មី
នៃការបង្កើត
អ្នកចាក់សាក់ម្នាក់ ឈ្មោះ Len Yamada ដែលមានចិត្តស្រឡាញ់
វិស័យចាក់សាក់យ៉ាងជ្រាលជ្រៅ
ដែលបណ្ដុះចិត្តគំនិតរបស់គាត់ឱ្យមានបំណងប្រាថ្នាចង់ស្វែងយល់អំពីសិល្បៈនេះដោយខ្លួនឯង។
ក្ដីប្រាថ្នានេះបាននាំឱ្យគាត់ចាប់ផ្ដើមធ្វើដំណើរតែម្នាក់ឯងទៅកាន់ប្រទេសកាណាដា
ដែលជាកន្លែងដែលគាត់បានបង្រៀនខ្លួនឯងអំពីសិល្បៈចាក់សាក់នេះ។
នៅឆ្នាំ 2018 គាត់បានបង្កើត "TATTOO STUDIO YAMADA"
នៅ Shibuya។
នៅឆ្នាំ 2021 គាត់បានផ្លាស់ទៅស្ទូឌីយ៉ូបច្ចុប្បន្នរបស់គាត់នៅ Harajuku។
ហើយនៅឆ្នាំនេះ គាត់បានបើកទីតាំងទីពីររបស់គាត់ គឺ
“Born Losers”។
រួមជាមួយនឹងការងារចាក់សាក់របស់គាត់
Yamada បានដំណើរការប៉ុស្តិ៍ YouTube
អស់រយៈពេលប្រាំឆ្នាំ ដែលជាកន្លែងដែលគាត់ចែករំលែកអំពីដំណើរសិល្បៈបែបច្នៃប្រឌិតរបស់គាត់។
គាត់ក៏បានចូលទៅក្នុងវិស័យសម្លៀកបំពាក់ដើម
រួមជាមួយកិច្ចសហការជាមួយម៉ាកល្បីៗជាច្រើនទៀត។
ជាមួយនឹងការខិតខំប្រឹងប្រែងឥតឈប់ឈរ ដើម្បីបន្ត
ក្ដីប្រាថ្នារបស់គាត់ និងចែករំលែកទស្សនៈរបស់គាត់
G-SHOCK នៅតែជាដៃគូដ៏រឹងមាំ
សម្រាប់ដំណើរសិល្បៈរបស់គាត់។
ការដេញតាមក្ដីស្រមៃរបស់ខ្ញុំ ដែលចង់ក្លាយជាអ្នកចាក់សាក់មួយរូបជាមួយនឹងដំណើរស្វែងរកឥតឈប់ឈរ
Len Yamada មានជំនាញខាងសាក់រូបបែបបុរាណរបស់ជនជាតិអាមេរិក។ អំឡុងពេលកំពុងសិក្សាម៉ូតសម្លៀកបំពាក់នៅសាកលវិទ្យាល័យ Bunka Gakuen គាត់មានចិត្តស្រឡាញ់ និងចំណាយពេលជាច្រើនថ្ងៃ ដើម្បីគូររូបលើសម្លៀកបំពាក់។ ថ្ងៃមួយ គាត់បានរកឃើញសៀវភៅមួយក្បាលរបស់ Sailor Jerry ដែលជាអ្នកត្រួសត្រាយផ្លូវសិល្បៈចាក់សាក់បុរាណរបស់ជនជាតិអាមេរិក ហើយភ្លាមៗនោះ គាត់មានអារម្មណ៍ថា ត្រូវគ្នានឹងចិត្តស្រឡាញ់របស់គាត់ជាខ្លាំង។ មិនយូរប៉ុន្មាន គាត់បានសម្រេចចិត្តបោះបង់ការសិក្សា ដោយតាំងចិត្តចង់ក្លាយជាអ្នកចាក់សាក់ម្នាក់។ ដោយចាប់ផ្ដើមជាមួយនឹងម៉ាស៊ីនសាក់ដែលមានតម្លៃសមរម្យ គាត់បានធ្វើការពេលថ្ងៃនៅភោជនីយដ្ឋានក្នុងស្រុកមួយកន្លែងនៅ Shimokitazawa ហើយបានធ្វើការងារចាក់សាក់នៅពេលយប់ ដោយមានការគាំទ្រពីម្ចាស់ភោជនីយដ្ឋានផងដែរ។
Yamada បានយកថ្ងៃឈប់សម្រាកពីការងារនៅប្រទេសកាណាដា ដើម្បីទៅនៅតំបន់ជិតសហរដ្ឋអាមេរិក ហើយបានព្យាយាមចូលជាសមាជិកនៃស្ទូឌីយ៉ូចាក់សាក់ផ្សេងៗ រហូតដល់មានអ្នកជួលគាត់។ គាត់បានស្វ័យសិក្សាអំពីការចាក់សាក់នៅទីនោះអស់រយៈពេលមួយឆ្នាំ។ “អ្នកចាក់សាក់ដែលសាក់រូបឱ្យខ្ញុំដំបូងបង្អស់ បានប្រាប់ខ្ញុំថា ខ្ញុំក៏អាចរៀនដោយខ្លួនឯងបានផងដែរ។ ខ្ញុំបានបន្តគូរ និងប្រើម៉ាស៊ីនសាក់ ដោយឆ្លាក់រូបសាក់ជាច្រើនដោយមិនស្ទាក់ស្ទើរ។ ខ្ញុំសំណាងណាស់ដែលមានមិត្តភក្តិដែលសុខចិត្តឱ្យខ្ញុំសាក់រូបឱ្យពួកគេ។ ខ្ញុំចង់ធ្វើដំណើរលើផ្លូវកាត់បំផុត ដើម្បីក្លាយជាអ្នកចាក់សាក់មួយរូប ហើយការទទួលបានការយល់ព្រមពីឪពុកម្ដាយរបស់ខ្ញុំ គឺពិតជាសំខាន់ណាស់។ ការបោះបង់ការសិក្សានៅមហាវិទ្យាល័យ ហើយចាប់ផ្ដើមដំណើរសិល្បៈចាក់សាក់ដោយខ្លួនឯងរបស់ខ្ញុំ ក្នុងអំឡុងពេលដែលការចាក់សាក់មិនទាន់ត្រូវបានទទួលយកយ៉ាងទូលំទូលាយនៅឡើយ ធ្វើឱ្យខ្ញុំមានអារម្មណ៍ថា ឪពុកម្ដាយរបស់ខ្ញុំបានបដិសេធខ្ញុំអីចឹងដែរ។ ខ្ញុំគ្រាន់តែចង់រករកប្រាក់ចិញ្ចឹមជីវិឱ្យបានឆាប់តាមដែលអាចធ្វើទៅបាន ដើម្បីកុំឱ្យពួកគាត់ព្រួយបារម្ភប៉ុណ្ណោះ"។
មួយឆ្នាំក្រោយមក គាត់បានត្រឡប់ទៅប្រទេសជប៉ុនវិញ គាត់បានបើកស្ទូឌីយ៉ូផ្ទាល់ខ្លួនរបស់គាត់គឺ "TATTOO STUDIO YAMADA" ហើយឥឡូវនេះមានបុគ្គលិក និងកូនជាងជាច្រើននាក់។ ស្ទូឌីយ៉ូរបស់គាត់ដំណើរការខុសពីស្ទូឌីយ៉ូភាគច្រើន គាត់ផ្ដោតសំខាន់លើគោលការណ៍ និងសីលធម៌នៃការបង្រៀន ព្រមទាំងលើកទឹកចិត្តកូនជាងឱ្យផ្ដោតលើរចនាបថផ្ទាល់ខ្លួនរបស់ពួកគេ ដោយម្នាក់ៗមានជំនាញក្នុងប្រភេទចាក់សាក់ផ្សេងៗគ្នា។ គាត់មិនទទួលយករាល់ការស្នើសុំរបស់អតិថិជនទេ ហើយគាត់មិនមានជំនាញទាំងស្រុងលើការចាក់សាក់បែបបុរាណរបស់ជនជាតិអាមេរិកនោះដែរ។
"ខ្ញុំជឿថា ជារឿងចាំបាច់ណាស់ក្នុងការប្រកាន់ខ្ជាប់នូវរចនាបថដែលអ្នកស្រឡាញ់បំផុត។ ខ្ញុំកោតសរសើរដល់ការចាក់សាក់ និងម៉ូតូបុរាណរបស់ជនជាតិអាមេរិក។ អតិថិជនដែលមករកខ្ញុំឱ្យចាក់សាក់តែងប្រាប់ពីចំណាប់អារម្មណ៍រួមគ្នា។ ការកសាងទំនាក់ទំនងតាមរយៈការចាក់សាក់ និងបង្កើតទំនាក់ទំនងយ៉ាងស៊ីជម្រៅជាមួយអតិថិជនមានសារៈសំខាន់ណាស់។ នៅពេលណាដែលពួកគេឃើញស្នាមសាក់របស់ខ្លួន ពួកគេនឹងចងចាំបរិយាកាសដែលបានកើតឡើង និងការសន្ទនារបស់យើង។ ខ្ញុំផ្ដល់ឱកាសឱ្យកូនជាងក្នុងស្ទូឌីយ៉ូរបស់ខ្ញុំដេញតាមក្ដីប្រាថ្នារបស់ពួកគេ ដោយស្នើឱ្យពួកគេពិចារណាពីអ្វីដែលពួកគេត្រូវការនៅពេលនេះ"។
ស្ទូឌីយ៉ូដំបូងរបស់គាត់ ផ្ដល់សេវាកម្មដល់អតិថិជនចម្រុះ ដែលភាគច្រើនជាអ្នកស្វែងរកការចាក់សាក់លើកដំបូង។ ផ្ទុយទៅវិញ ស្ទូឌីយ៉ូទីពីរដែលទើបបើកថ្មីរបស់គាត់គឺ "Born Losers” ក្នុងគោលបំណងបង្ហាញពីជម្រៅ និងប្រវត្តិនៃវប្បធម៌ចាក់សាក់។ វិធីសាស្រ្តទាំងពីរនេះដែលផ្ដល់ជម្រើសសម្រាប់អ្នកចាប់ផ្ដើមរៀនចាក់សាក់ដំបូង និងអ្នកដែលស្វែងរកបទពិសោធចាក់សាក់ដែលស៊ីជម្រៅ គឺមានតែមួយគត់ចំពោះទស្សនវិជ្ជារបស់ Yamada។
ពេលសម្រេចចិត្តធ្វើអ្វីមួយម្ដងៗ ខ្ញុំត្រូវខិតខំបំពេញកិច្ចការឱ្យបានពេញទំហឹង – មិនមែនលំៗនោះទេ
រូបថត Len Yamada ដែលគេកំពុងចាក់សាក់ឱ្យគាត់ ដោយពាក់នាឡិកា “DW-5600C” ជាទីស្រឡាញ់របស់គាត់នៅលើកដៃរបស់គាត់។
Yamada ជាមនុស្សដែលបន្តដើរតាមក្ដីប្រាថ្នារបស់គាត់ ដោយពាក់នាឡិកា G-SHOCK “DW-5600C” ជានាឡិកាដែលគាត់ពេញចិត្ត។ ក្ដីស្រឡាញ់របស់គាត់ចំពោះ G-SHOCK មានតាំងពីពេលដែលគាត់សម្រេចចិត្តក្លាយជាអ្នកចាក់សាក់មកម៉្លេះ។ ការងារជាវិចិត្រកររាល់ថ្ងៃ មិត្តរួមអាជីពដែលជារៀមច្បងម្នាក់បានផ្ដល់កាដូដល់គាត់ជានាឡិកា G-SHOCK ដែលគាត់ប្រើរួចហើយ ដោយផ្ដោតលើសារៈសំខាន់នៃការយកចិត្តទុកដាក់លើពេលវេលានៅក្នុងការងាររបស់គាត់។ “ខ្ញុំរំភើបចិត្តក្នុងការទទួលវា វាមានអារម្មណ៍ហាក់ដូចជា អ្វីមួយដែលបញ្ជាក់ឱ្យឃើញពីសិប្បកោសល្យរបស់ខ្ញុំអីចឹង។ ខ្ញុំបានពាក់វារាងខ្ពស់បន្តិចនៅលើដៃរបស់ខ្ញុំ ដូច្នេះស្រោមដៃសម្រាប់គូរគំនូររបស់ខ្ញុំនឹងមិនបិទបាំងវាទេ។ នៅតាមផ្លូវទៅផ្ទះ ខ្ញុំបានសម្អាត G-SHOCK របស់រៀមច្បងខ្ញុំ ដោយស្រោបថ្នាំលាប ល្មមឱ្យគាត់មើលពេលវេលាបានច្បាស់ល្អ។ ប្រសិនបើខ្ញុំអាចសហការជាមួយ G-SHOCK ឥឡូវនេះ ខ្ញុំប្រហែលជានឹងរចនាស្នាមប្រឡាក់ដោយថ្នាំលាប (សើច)។"
សម្លឹងមើលទៅអនាគត Yamada មានគម្រោងនឹងចំណាយពេលពីរបីឆ្នាំនៅទីក្រុង Los Angeles ដោយអន្ទះសារចង់ប្រលូកនៅក្នុងបរិយាកាសអ្នកចាក់សាក់ដ៏ល្បីល្បាញដែលមានឈ្មោះបោះសំឡេងទៅដល់ប្រទេសជប៉ុន។ "តើមានអ្វីខ្លះកំពុងរង់ចាំខ្ញុំនៅ LA ដែលជាកន្លែងដើមកំណើតស្នាមសាក់បែបប្រពៃណីរបស់ជនជាតិអាមេរិកដែលខ្ញុំកោតសរសើរ? តើខ្ញុំនឹងទទួលបានបទពិសោធ និងទស្សនវិស័យអ្វីខ្លះ? ខ្ញុំដឹងថា ខ្ញុំត្រូវតែទៅឥឡូវនេះ ព្រោះមានរឿងដែលខ្ញុំនឹងមិនយល់ លុះត្រាតែខ្ញុំទៅទីនោះ"។ តើអ្វីជំរុញឱ្យគាត់ហ៊ានលះបង់ក្នុងការចាក់សាក់នេះ?
“ខ្ញុំមិនមានចក្ខុវិស័យច្បាស់លាស់ថាតើខ្ញុំចង់ក្លាយជាអ្នកចាក់សាក់ប្រភេទណានាពេលអនាគតនោះទេ ប៉ុន្តែខ្ញុំដឹងត្រឹមថា វាត្រូវតែបែបនេះ។ ខ្ញុំមិនមែនគ្រាន់តែជាអ្នកចាក់សាក់ទេ ខ្ញុំក៏ជាជាងកាត់ដេរសម្លៀកបំពាក់ និងជា YouTuber ម្នាក់ផងដែរ ដោយបន្តស្វែងរកអ្វីដែលខ្ញុំស្រឡាញ់។ ឪពុករបស់ខ្ញុំបានបង្រៀនខ្ញុំថា ‘ពេលកូនចង់ធ្វើអ្វីមួយ ចូរធ្វើវាឱ្យអស់ពីចិត្ត។ បើមិនចង់ធ្វើទេ ចូរកុំធ្វើវាឱ្យសោះ។’ មេរៀននេះដក់ជាប់ក្នុងចិត្តរបស់ខ្ញុំតាំងពីវ័យកុមារមកម៉្លេះ។ ដូច្នេះ ខ្ញុំជៀសវាងការធ្វើអ្វីដែលស្ទាក់ស្ទើរចិត្តណាស់។ ខ្ញុំខិតខំធ្វើការ និងចេះរីករាយនឹងជីវិតផងដែរ ដោយធ្វើឱ្យប្រាកដថា ត្រូវកំណត់ឱ្យច្បាស់ថា ពេលណាត្រូវធ្វើការ និងពេលណាត្រូវសម្រាកវីករាយនឹងជីវិត។"
ផ្នត់គំនិតនេះបានជំរុញទឹកចិត្តរបស់ Yamada ក្នុងការចាក់សាក់ ខណៈដែលគាត់ត្រៀមផ្លាស់ទៅទីក្រុង Los Angeles បន្ទាប់ពីបានបង្កើតស្ទូឌីយ៉ូចំនួនពីរក្នុងទីក្រុងតូក្យូ។
ឧទាហរណ៍នៃការងាររបស់ Len Yamada។ អ្នកអាចមើលឃើញឥទ្ធិពលនៃស្នាមសាក់បែបប្រពៃណីរបស់ជនជាតិអាមេរិកក្នុងការរចនារបស់គាត់។
ការថតរូប។ IBUKI
កិច្ចសម្ភាសន៍ & អត្ថបទ។ Ryo Tajima
កាត់ត. Yutaro Okamoto _THOUSAND
ប្រវត្តិរូប។
Len Yamada
កើតនៅឆ្នាំ 1995 នៅហ្វូគូស៊ីម៉ា គឺជាអ្នកចាក់សាក់ ដែលមានស្ទូឌីយ៉ូចំនួនពីរនៅ Harajuku៖ "TATTOO STUDIO YAMADA" និង "Born Losers"។ គាត់ក៏បង្កើតសម្លៀកបំពាក់ដើម និងដំណើរការប៉ុស្តិ៍ YouTube “OMOSSY CHANNEL” ផងដែរ។
Instagram។ @len.5
ទីក្រុងតូក្យូ
បញ្ហាលើដងផ្លូវនៅទីក្រុងតូក្យូ >
ទស្សនាវដ្ដី THISTIME
ឈុតឆាកច្នៃប្រឌិតរបស់អ្នកបង្កើតនៅទីក្រុងតូក្យូ