សូមណែនាំ MRG-B2100R — ដែលជាការបន្ថែមថ្មីពិសេសមួយទៅកាន់ MR-G, ខ្សែស្រឡាយ G-SHOCK ដ៏ល្បីដែលបង្កប់នូវភាពខ្លាំង និងភាពស្រស់ស្អាតចុងក្រោយបំផុត។ នាឡិកាថ្មីដ៏ស្រស់ស្អាតនេះបង្ហាញពីកងមុខរាងប្រាំបីជ្រុង និងពណ៌ខៀវបែបប្រពៃណីជប៉ុនប្លែកពីគេ ao-zumi។ ការរចនាមុខនាឡិកាយកលំនាំចេញពីបច្ចេកទេសធ្វើឈើបែបបុរាណរបស់ជប៉ុន kigumi, និងផ្ទៃពណ៌ពី ao-zumi ដែលបង្កើតបានជាស្រមោលទឹកថ្នាំខ្មៅជាមួយពណ៌ខៀវព្រឿងៗ នៅពេលដែលទឹកខ្មៅ sumi ត្រូវបានផលិតឡើងដោយធ្វើឱ្យពណ៌ខៀវរាងដិត។ ទឹកពណ៌នេះត្រូវបានប្រើជាញឹកញាប់នៅក្នុងការសរសេរអក្សរផ្ចង់ shodo របស់ជប៉ុន និងគំនូរទឹកថ្នាំខ្មៅ ហើយក៏លេចចេញតាមធម្មជាតិបន្តិចម្ដងៗដែរ ដោយសារទឹកថ្នាំខ្មៅមានពណ៌ខៀវ។
MRG-B2100R ត្រូវបានបញ្ចូលជាមួយនឹងកម្លាំងស្ងប់ស្ងាត់របស់ ao-zumi, ជាពណ៌ពេញនិយមក្នុងវប្បធម៌ជប៉ុនតាំងពីបុរាណកាលមក។ នាឡិកានេះជំរុញអ្នកឱ្យស្វែងយល់ពីទស្សនៈពិភពលោកដែល ដំណើរពេលវេលារំកិលគ្រាន់តែធ្វើឱ្យជីវិតកាន់តែស្មុគស្មាញ ដើម្បីទទួលបានការលាយលំប្រកបដោយសុខដុមរមនាជាមួយនឹងដួងព្រលឹងវិញ្ញាណរបស់ប្រទេសជប៉ុន។
Ao-zumi៖ ទឹកពណ៌បែបប្រពៃណីរបស់ជប៉ុនត្រូវបានគេឱ្យតម្លៃតាំងពីសម័យបុរាណ
Ao-zumi គឺជាទឹកពណ៌ដែលចេញមកពីទឹកថ្នាំ sumi ពណ៌ខ្មៅ ដែលប្រើកន្លងមកក្នុងការសរសេរអក្សរផ្ចង់ជប៉ុន និងគំនូរទឹកថ្នាំមួយពណ៌ suibokuga។ ពណ៌ខៀវប្រផេះដ៏ប្លែកនេះត្រូវបានបង្កើតឡើងដោយបញ្ចូលសារធាតុពណ៌ឬអនុផលពីដំណើរការផលិតទឹកថ្នាំជ្រលក់ពណ៌ក្រនៀវទៅក្នុងទឹកថ្នាំ ហើយវាក៏លេចចេញតាមលក្ខណៈធម្មជាតិនៅពេលដែលទឹកថ្នាំ sumi ហើរពណ៌បន្តិចម្ដងៗ ឡើងជាពណ៌ខៀវស្រទន់។ ជាមួយនឹងពណ៌ប្រផេះស្រាលបន្តិច ao-zumi ផ្តល់គុណភាពដ៏ស្រស់បំព្រង និងភាពលេចធ្លោដ៏ល្អដល់ការសរសេរអក្សរផ្ចង់ និងស្នាដៃសិល្បៈ។
ស្រមោលពណ៌ក្រនៀវ និងពណ៌ខៀវផ្សេងទៀត គឺជាប្រភពដ៏សម្បូរបែបនៃការបំផុសគំនិតនៅក្នុងប្រទេសជប៉ុនតាំងពីបុរាណកាលមក។ ក្នុងអំឡុងសតវត្សទី 17 ដល់ទី 19 ពណ៌ក្រនៀវបានក្លាយជាពណ៌ពេញនិយមជាពិសេស ដោយមានការប្រើថ្នាំជ្រលក់ពណ៌ក្រនៀវ ដើម្បីលាបពណ៌សម្ភារៈជាច្រើន ដូចជា kimono និងកន្សែងដៃរហូតដល់វាំងនន noren ដែលតុបតែងមុខច្រកចូលហាង។
ក្រណាត់ដែលលាបទឹកថ្នាំពណ៌ក្រនៀវធម្មជាតិចេញពីរុក្ខជាតិ មានភាពធន់ទ្រាំខ្លាំងនឹងការហើរពណ៌ ដែលអាចឱ្យក្រណាត់ទាំងនោះរក្សាសោភ័ណភាពបានយូរអង្វែង។ បច្ចេកទេសនេះក៏មានប្រយោជន៍គួរឱ្យកត់សម្គាល់ផងដែរដែលមិនត្រឹមតែផ្តល់ វាយនភណ្ឌសាច់ក្រណាត់ទេ ប៉ុន្តែវាក៏ការពារបាក់តេរី និងសត្វល្អិតផងដែរ។
សុភាសិតរបស់អ្នកប្រាជ្ញ Xunzi បានពណ៌នាពណ៌ខៀវក្រនៀវថា “ខៀវជាងពណ៌ខៀវ” នៃរុក្ខជាតិក្រនៀវពីប្រភពដើមរបស់វា ដោយប្រើវាជាការប្រៀបធៀបទៅនឹងសិស្សដែលខ្លាំងជាងគ្រូ។ ពណ៌ខៀវនេះក៏តំណាងឱ្យបម្រែបម្រួលពណ៌បន្តិចម្ដងៗ បន្តវិវត្ត និងស្ថិតស្ថេរគ្រប់ជំនាន់។
សម្លៀកបំពាក់ដែលជ្រលក់ពណ៌ក្រនៀវជាច្រើនក្នុងប្រទេសជប៉ុនបានបង្កការភ្ញាក់ផ្អើលដល់លោក Robert William Atkinson (1850–1929), ជាអ្នកគីមីវិទ្យាជនជាតិអង់គ្លេស ហើយគាត់បានទៅលេងប្រទេសជប៉ុនពីរដងក្នុងអំឡុងចុងសតវត្សទី 19 ហើយបានធ្វើការជាសាស្ត្រាចារ្យនៅទីនោះ។ គាត់មានការចាប់អារម្មណ៍លើពណ៌នោះយ៉ាងខ្លាំងដែលបានបង្កើតពាក្យថា “ពណ៌ខៀវជប៉ុន”។
ពណ៌ខៀវត្រូវបានគេស្គាល់ថាជាពណ៌ស្ងប់ស្ងាត់ ហើយត្រូវបានគេជឿថាជួយបង្កើនការផ្តោតអារម្មណ៍។ នៅសម័យបុរាណ ការស្លៀកពាក់ពណ៌នេះប្រហែលជាត្រូវបានគេមើលឃើញថាជាមធ្យោបាយមួយដើម្បីលើកទឹកចិត្តខ្លួនឯង ឬស្វែងរកការព្យាបាល និងផាសុកភាព។
វិធីដែល ao-zumi ធ្វើឱ្យពណ៌កាន់តែដិត និងបង្កើតទឹកពណ៌កាន់តែសម្បូរបែបបន្តិចម្ដងៗ គឺជាកត្តាសំខាន់មួយក្នុងការបង្កើតភាពទាក់ទាញបែបប្រពៃណីរបស់វាក្នុងការសរសេរអក្សរផ្ចង់ជប៉ុន និងគំនូរទឹកថ្នាំខ្មៅ។ ចំណូលចិត្តនេះក៏ឆ្លុះបញ្ចាំងឱ្យឃើញពីវប្បធម៌ដ៏យូរអង្វែងរបស់ប្រទេសជប៉ុនក្នុងការស្រឡាញ់និងយកចិត្តទុកដាក់ចំពោះរបស់របរផងដែរ។ ការថែរក្សាឧបករណ៍និងរបស់របប្រើប្រាស់ដោយយកចិត្តទុកដាក់ត្រូវបានចាត់ទុកថាជាគុណធម៌មួយ ហើយពណ៌ខៀវនេះ តំណាងឱ្យស្មារតីនៃភាពសុខដុមរមនារបស់ជប៉ុនតែមួយគត់។
MRG-B5000BA-1JR៖ ការបង្ហាញផ្ទៃរចនា ao-zumi
MRG-B5000, ជាការបញ្ជាក់ពីការវិវត្ត និងកេរ្តិ៍ដំណែលរបស់ G-SHOCK រួមបញ្ចូលគ្នានូវបច្ចេកវិទ្យាទំនើបនៃខ្សែ MR-G ជាមួយនឹងទម្រង់ដើម G-SHOCK។ នាឡិកានេះក៏មានផ្ទៃរចនា ao-zumi ផងដែរ ដែលឆ្លុះបញ្ចាំងនៅក្នុងព័ត៌មានលម្អិតនៃការរចនារបស់វា។ ដំណើរបញ្ចេញចំហាយពណ៌ខៀវនៅលើគ្រីស្តាល់ត្បូងកណ្តៀង រួមជាមួយនឹងការស្រោបសមាសធាតុអ៊ីយ៉ុងពណ៌ខៀវនៅលើកងមុខ និងម្ជុលខ្ទាស់ខ្សែនាឡិកា រំលេចនូវដួងប្រលឹង ao-zumi, ដែលបង្កើតជារូបរាង និងអារម្មណ៍ស្រស់ពឆើតឆាយដ៏ស្ងប់ស្ងាត់។
គោលគំនិតសំខាន់នៃការសរសេរអក្សរផ្ចង់ជប៉ុន និងទំនាក់ទំនង របស់វាទៅនឹងសិល្បៈក្បាច់គុន
នៅក្នុងការសរសេរអក្សរផ្ចង់ shodo របស់ជប៉ុន សកម្មភាពនៃការបង្កើតត្រូវបានបង្កប់ដោយសោភ័ណភាពដែលលើសពីស្នាដៃសម្រេចចុងក្រោយទៅទៀត។ នៅពេលអ្នកសរសេរអក្សរផ្ចង់ជ្រលក់ជក់របស់ពួកគេចូលទៅក្នុងទឹកថ្នាំ ហើយជូតចេញពីចានទឹកថ្នាំ ហើយបន្ទាបវាទៅលើក្រដាស រាល់ចលនាទាំងអស់គឺប្រកបដោយចេតនា និងគួរឱ្យគោរព។ ដោយដៃអាវរមូរឡើង ដើម្បីកុំឱ្យប្រលាក់ទឹកថ្នាំ អ្នកសរសេរអក្សរផ្ចង់បង្កប់នូវភាពច្បាស់លាស់ និងភាពឆើតឆាយនៅក្នុងចលនាដ៏មោះមុតតែទន់ដូចទឹកក្នុងការបញ្ឈប់ និងការគូសវាសគំនូស ដូចជាចលនាចិញ្ច្រាំលើខ្យល់។ គំនូសអក្សរជក់នីមួយៗបង្ហាញពីភាពមោះមុត និងការផ្តោតអារម្មណ៍ខ្លាំង ដែលបង្កប់នូវស្មារតីនៃ shodo និងឆ្លុះបង្ហាញពីវិន័យ និងសមាធិ ដែលមាននៅក្នុងសិល្បៈក្បាច់គុន។
Miyamoto Musashi ដែលជាអ្នកជំនាញផ្លែដាវកំពូល និងជាវិចិត្រករជនជាតិជប៉ុន បានគាំទ្រដល់សារៈសំខាន់នៃការសិក្សាមុខវិជ្ជាផ្សេងៗក្រៅពីក្បាច់គុនដើម្បីសិក្សាសិល្បៈដាវ។ ជាមួយនឹងមូលដ្ឋានគ្រឹះនៅក្នុង Zen, លោក Musashi ក៏បានបង្កើតស្នាដៃដ៏អស្ចារ្យជាច្រើននៃការសរសេរអក្សរផ្ចង់ និងគំនូរទឹកថ្នាំខ្មៅ។ ឯកសារសំណេរដ៏ល្បីល្បាញរបស់គាត់អំពីយុទ្ធសាស្រ្ត Gorin no Sho (“សៀវភៅចិញ្ជៀនប្រាំ”) ឆ្លុះបញ្ចាំងពីការយល់ដឹងខាងវិញ្ញាណដ៏ជ្រាលជ្រៅរបស់គាត់ ហើយបន្តបង្កការភ្ញាក់ផ្អើលដល់អ្នកអានសម័យទំនើប រួមទាំងអ្នកជំនាញផ្នែកអាជីវកម្ម ដែលជាមគ្គុទ្ទេសក៍មិនចេះចប់សម្រាប់យុទ្ធសាស្ត្រ និងទស្សនវិជ្ជា។
អាចមានគុណសម្បតិ្តរួមគ្នាមួយចំនួនរវាងអ្នកចម្បាំងដែលដណ្ដើមជីវិតរបស់ពួកគេក្នុងគ្រានៃជ័យជំនះមួយភ្លែត និងអ្នកសរសេរអក្សរផ្ចង់ដែលរួមបញ្ចូលបេះដូង និងព្រលឹងរបស់ពួកគេទៅក្នុងគំនូសអក្សរជក់។ ទាំងពីរបង្កប់នូវការយល់ដឹងអំពីលក្ខណៈពីរនៃពេលវេលា — ភាពមិនឋិតឋេរ និងភាពមិនចេះចប់។ លក្ខណៈទាំងពីរមានកម្លាំងលាក់កំបាំង ស្ងប់ស្ងាត់។ ហើយលក្ខណៈទាំងពីរដើរតាមមាគ៌ាមួយដែលបង្កើតឡើងដោយការជឿជាក់ និងជំនឿមិនងាករេ។
នៅក្នុងពិភពលោកដែលល្បឿននៃការផ្លាស់ប្តូរកំពុងកើនឡើងឥតឈប់ឈរ មានគុណតម្លៃលើអ្វីដែលបន្តឋិតឋេរ៖ ពណ៌ខៀវត្រូវបានគេស្រឡាញ់យ៉ាងជ្រាលជ្រៅនៅក្នុងប្រទេសជប៉ុន, សិប្បកម្មបែបប្រពៃណីដ៏ល្អឥតខ្ចោះ។ Ao-zumi តំណាងឱ្យដំណើរការបង្កើតភាពច្បាស់លាស់នៃធាតុឋិតឋេរនៃវប្បធម៌ជប៉ុន។
បានរចនាឡើងដើម្បីបង្ហាញពីភាពរឹងមាំ និងភាពស្រស់ស្អាតរបស់ ao-zumi, MRG-B2100R ប្រាថ្នាចង់ក្លាយជាដៃគូដ៏ស្មោះត្រង់ចំពោះអ្នកពាក់របស់ខ្លួន និងបង្កប់នូវវត្តមានដ៏ស្ងប់ស្ងាត់ដែលបណ្តុះស្មារតី និងបន្តនូវដួងប្រលឹងវប្បធម៌ជប៉ុនសម្រាប់មនុស្សជំនាន់ក្រោយ។
មុខនាឡិកាដែលត្រូវបានបំផុសគំនិតដោយបច្ចេកទេសធ្វើឈើបែបប្រពៃណីរបស់ជប៉ុនរបស់ kigumi, មានការរចនាបន្ទះឈើដែលបានចាក់ផ្ទសដោយពណ៌បុរាណបែបប្រពៃណីជប៉ុនពណ៌ខៀវដែលបង្ហាញពី ao-zumi, ដែលបង្កប់នូវអារម្មណ៍សោភ័ណភាពរបស់ជប៉ុន។
MRG-B2100R រួមបញ្ចូលគ្នានូវភាពឆើតឆាយបែបប្រពៃណីជាមួយនឹងភាពធន់នៃម៉ាក G-SHOCK សម្រាប់នាឡិកាដែលគោរពដល់បេតិកភណ្ឌរបស់ជប៉ុន ទន្ទឹមនឹងនេះក៏ផ្តល់នូវភាពធន់មិនអាចកាត់ថ្លៃបានផងដែរ។
ពណ៌ខៀវផ្តល់នូវកម្រិតពណ៌ដ៏ទាក់ទាញនៅចំហៀងប្រអប់នាឡិកា។
ការរចនាគ្រឿងជាច្រើននៃប្រអប់នាឡិកា MR-G ធានាថាផ្ទៃមានភាពល្អឥតខ្ចោះ និងស្រស់ស្អាត សូម្បីតែនៅកន្លែងដែលពិបាកនឹងប៉ូលាដូចជាផ្នែកប្រហោងជាដើម។
MRG-B2100R-2A
Bluetooth® / MULTIBAND 6 / TOUGH SOLAR /
ខ្សែផលិតកម្មលំដាប់ខ្ពស់
